10.10.13

വീട്

സ്വന്തമായി ഒരു വീട് എന്ന മലയാളിയുടെ സ്വപ്നത്തിന് കാലമേറെയായിയിട്ടും മിഴിവു നഷ്ടപ്പെട്ടിട്ടില്ല. നമ്മുടെ ആഗ്രഹങ്ങളില്‍, ആവശ്യങ്ങളില്‍ എന്നും പ്രഥമസ്ഥാനം പാര്‍പ്പിടത്തിനു തന്നെയാണ്. നൂറ്റാണ്ടുകളായി തുടരുന്ന പ്രവാസത്തിന് പ്രവേഗം നല്‍കുന്നതും വീടിനോടുള്ള പ്രിയമല്ലാതെ മറ്റൊന്നല്ല.

വീടെന്ന സ്വപ്നം അതിവേഗം സാക്ഷാത്ക്കരിക്കാന്‍ വേണ്ടിയാണ് ഭൂരിഭാഗംപേരും കടുത്ത സാമ്പത്തിക ബാധ്യത തലയിലേറ്റുന്നതും ഫ്ലാറ്റ് തട്ടിപ്പ് പോലുള്ള ഏടാകൂടങ്ങളില്‍ ചെന്നുചാടുന്നതും. എങ്കിലും സകല ലോക കാര്യങ്ങളെക്കുറിച്ചും കൃത്യമായ അറിവും അഭിപ്രായവുമുള്ള മലയാളിക്ക് താന്‍ നിര്‍മ്മിക്കാന്‍ ഉദ്ദേശിക്കുന്ന വീടിനെ കുറിച്ചും വ്യക്തമായ ധാരണയാണുള്ളത്. സാമ്പത്തികമായി വളരെ താഴേക്കിടയിലുള്ളവര്‍ പോലും ഒരു ചെറിയ പ്ലാനോ എസ്ടിമേറ്റോ കൂടാതെ ഇന്നു വീട് പണി തുടങ്ങുമെന്നും തോന്നുന്നില്ല. അത് തീര്‍ച്ചയായും നല്ലത് തന്നെയാണ്.

നിര്‍മ്മാണ പ്രവര്‍ത്തനങ്ങളുടെ കാതലും കാലാനുസൃതമായ പരിഷ്കാരങ്ങളും അറിയുവാന്‍ കേരളീയര്‍ക്കുള്ള ജിജ്ഞാസയെ നമ്മുടെ മാധ്യമങ്ങള്‍ നന്നായി ചൂഷണം ചെയ്യുന്നുണ്ട്. കൊട്ടാര സദൃശ്യമായ വീടും കണ്ണഞ്ചിപ്പിക്കുന്ന അകത്തളങ്ങളും നമുക്ക് മുന്‍പില്‍ തുറന്നുവെയ്ക്കുന്ന നിരവധി പ്രോഗ്രാമുകളുള്‍ ഇന്ന് എല്ലാ ചാനലിലുമുണ്ട് . പോരാതെ വാസ്തു കണ്‍സല്ട്ടിംങ്ങും പുസ്തകങ്ങളും മാസികകളും അനവധി. ഇതെല്ലാം കണ്ടും വായിച്ചും ഒരേകദേശ ധാരണയോടെയാണ് പലരും വീടുപണിക്കിറങ്ങുന്നത്. ചിലര്‍ക്കു വേണ്ടത് "അവിടെ കണ്ട അതേ വീട്, അതേ പ്ലാന്‍". പക്ഷേ ഇവര്‍ മനസിലാക്കാതെ പോകുന്ന ഏറ്റവും പ്രധാനകാര്യം "ഓറിയെന്റെഷന്‍ ഓഫ് ബിലഡിഗ്" അഥവാ ദിശക്ക് അനുയോജ്യമായ കെട്ടിടത്തിന്റെ പ്ലേസിംഗ് എന്ന വസ്തുതയാണ്. പലയിടത്തുനിന്നും കിട്ടുന്ന പരിമിതമായ അറിവ് അതേപടി പകര്‍ത്തുക വിഡ്ഢിത്തമാണ്. പലരും പിന്നീട് അതിനെപ്രതി പരിതപിച്ചിട്ടുണ്ട്.

ഒരാള്‍ ഒരു മനുഷ്യായുസില്‍ ഒരു വീട് പണിയണം എന്നാണ് പഴമക്കാര്‍ പറയുന്നത്. ഓരോ ഇഷ്ടിക വെയ്ക്കുന്നതും കണ്ടുനിന്ന് ഒരിക്കല്‍ വീട് പണിതിട്ടുള്ളവരെല്ലാം എന്‍റെ നോട്ടത്തില്‍ എന്ജിനിയര്‍മാരാണ്. എന്നു കരുതി, മായ്ച്ചും പിന്നീട് വീണ്ടും വരച്ചും ഒരു ചിത്രം പൂര്‍ണ്ണമാക്കുന്നതുപോലെ കെട്ടിയും പൊളിച്ചും ശരിപ്പെടുത്തിയെടുക്കുക എന്ന "ട്രയല്‍ ആന്‍ഡ്‌ എറര്‍ മെത്തേഡ്" ഇവിടെ പ്രാവര്‍ത്തികമല്ല. അളവറ്റ പണംമുടക്കിയിട്ടും സ്വപനഗൃഹം അസൗകര്യങ്ങളുടെ ആകെത്തുകയായാലോ? അവിടെയാണ് ഒരു ആര്‍ക്കിടെക്ടിന്റെ പ്രസക്തി. ആര്‍ക്കിടെക്ടിനു ഫീസ്‌ കൊടുക്കാനുള്ള മടികൊണ്ടാണ്‌ മിഡില്‍ക്ലാസുകാര്‍ ഏറെയും മേസ്തരിയുടെയും കോണ്ട്രാക്ടറുടെയും സമ്പൂര്‍ണ്ണ സ്വാന്തന്ത്രത്തിന് കാര്യങ്ങള്‍ വിടുക. സാങ്കേതിക പരിജ്ഞാനമുള്ള തേര്‍ഡ് പാര്‍ട്ടിയെ തുടക്കം മുതല്‍ അതായത് പ്ലാനിംഗ്, എസ്ടിമേഷന്‍, സൂപ്പര്‍ വിഷന്‍, ഇന്റീരിയര്‍ ഡിസൈനിംഗ് എന്നീ  ഘട്ടങ്ങളില്‍ ഉള്‍പെടുത്തുന്നത് നല്ലതാണോ? അതോ അതൊരു അനാവത്തു ചിലവാണോ?

അടുത്തകാലത്തായി കേരളാ ബില്‍ഡിഗ് റൂള്‍ പഞ്ചായത്തുകളും നടപ്പില്‍ വരുത്തിയതോടെ നിര്‍മ്മാണ അനുമതി ലഭിക്കാന്‍ സെപ്ടിക് ടാങ്കും മഴവെള്ള സംഭരണിയും ഉള്‍ക്കൊള്ളിച്ച മാസ്ടര്‍ പ്ലാന്‍ നിര്‍ബന്ധമായി വന്നിരിക്കുകയാണ്. അതുകൊണ്ടുതന്നെ നാട്ടിന്‍പുറങ്ങളിലെ ചെറിയ വീടുകള്‍ പോലും ഒരു എന്‍ജിനിയറുടെ കയ്യൊപ്പില്ലാതെ പണിയപ്പെടുന്നില്ല. കാശുകൊടുത്ത് ഒപ്പിടാന്‍ വേണ്ടി മാത്രം എഞ്ചിനിയറുടെ അടുത്ത് പോകുന്നവര്‍ അല്പം ബുദ്ധിപരമായി ചിന്തിച്ചാല്‍ അദ്ദേഹത്തിന്റെ സേവനം ആദ്യം മുതലേ ലഭ്യമാക്കിക്കൂടെ? സ്റ്റാര്‍ ഹോട്ടലുകള്‍, ഷോപ്പിംഗ്‌ കോപ്ലെക്സ്, ഫ്ലാറ്റുകള്‍, ബംഗ്ലാവുവകള്‍ തുടങ്ങിയ വന്‍കിട നിര്‍മാണങ്ങളുടെ ഓരോ ഘട്ടങ്ങളിലും അതാത് മേഘലയില്‍ പ്രാവീണ്യം നേടിയ കണ്‍സള്‍ട്ടന്റ്റ്സ് ആണ് പണികള്‍ നിയന്ത്രിക്കുക. (ഗള്‍ഫിലും കണ്‍സ്ട്രക്ഷന്‍ മേഖലയിലും ഒക്കെ ജോലി ചെയ്യുന്നവര്‍ക്ക് ഇതിനെക്കുറിച്ച് നല്ല ധാരണയുണ്ട്.) നാട്ടിലെ ഒരു വീടുപണിക്ക് തീര്‍ച്ചയായും ഇത്രയും കണ്‍സല്‍ടെന്റ്മാര്‍ ആവശ്യമില്ല. നല്ലൊരു ആര്‍ക്കിടെക്ടിന് ഈ കാര്യങ്ങളെല്ലാം ഒറ്റക്ക് കുറ്റമറ്റ രീതിയില്‍ ചെയ്യാനാവും.

ഒരു വീട് എങ്ങനെയായിരിക്കണം? എന്തെല്ലാം സൌകര്യങ്ങള്‍ വേണം? എല്ലാത്തിനും നമുക്ക് നമ്മുടെതായ ഇഷ്ടാനിഷ്ടങ്ങളുണ്ട്. എന്നാല്‍ മിക്കവാറും സംഭവിക്കുക വീട് പണി തീരുമ്പോള്‍ ആഗ്രഹങ്ങളില്‍ പലതുമുണ്ടാവില്ല. പൊളിച്ചു പണിയാന്‍ പ്രാപ്തിയില്ലാത്തതുകൊണ്ട് ഉള്ളതുകൊണ്ട് തൃപ്തിപ്പെടും. പ്രതിപാദിക്കുന്ന വിഷയത്തിന്റെ ആഴവും പരപ്പും ഈയൊരു കുറിപ്പിന്റെ പരിധിയില്‍ നില്‍ക്കുന്നതല്ല. എങ്കിലും ഒരു വീട് ഉയര്‍ന്നു വരുന്ന അതേ താളത്തില്‍ ചുരുക്കി പറയുവാന്‍ ഞാന്‍ ആഗ്രഹിക്കുന്നു.

ഭവനനിര്‍മാണത്തിന് അനുയോജ്യമായ വസ്തു വാങ്ങുന്നതില്‍ തുടങ്ങി വീടിന്റെ പാലുകാച്ചല്‍ വരെ വിവരിക്കുന്ന വാസ്തുശാസ്ത്രം, തച്ചുശാസ്ത്രം, ജ്യോതിശാസ്ത്രം തുടങ്ങിയ പൌരാണിക ഗ്രന്ഥങ്ങളെ കോര്‍ത്തിണക്കി ഒരുപാട് പുസ്തകങ്ങള്‍ ഇന്നു ലഭ്യമാണ്. വ്യക്തികളുടെ ബൌദ്ധികവും വിശ്വാസപരമായ കാഴ്ചപ്പാടുകള്‍ക്ക് അനുസരിച്ച് ചിലര്‍ ഇതു തള്ളുകയോ കൊള്ളുകയോ ചെയ്യാറുണ്ട്. എങ്കിലും പ്ലാന്‍ തയ്യാറാക്കാന്‍ എത്തുന്ന എല്ലാവരുടെയും ഇഷ്ടാനിഷ്ടങ്ങളില്‍ അവരോടൊത്ത് സഞ്ചരിക്കുവാന്‍ ഞാന്‍ ശ്രദ്ധിക്കാറുണ്ട്. അതിനു കാരണം ആത്യന്തികമായി ആ വീട്ടില്‍ താമസിക്കുന്ന വ്യക്തിയുടെ സന്തോഷമാണ് പ്രധാനം എന്നതു തന്നെ. രസകരമായ മറ്റൊന്ന്, തലമുറകള്‍ക്കോ അല്ലെങ്കില്‍ മറ്റൊരാള്‍ക്കോ കൈമാറ്റം ചെയ്യപ്പെട്ടുകൊണ്ടേയിരിക്കുന്ന മൂല്യമുള്ള ഒരു വസ്തുവാണ് വീട്. മാറിവരുന്ന അവകാശികള്‍  വിശ്വാസിയോ അവിശ്വാസിയോ അന്ധവിശ്വാസിയോ ആകാം. കാലാന്തരേ വീട് പണിതയാള്‍  തന്നെ ഈ അവസ്ഥാന്തരങ്ങളിലൂടെ കടന്നുപോയെന്നും വരാം. വാസ്തു ശരിയല്ല എന്ന കാരണം പറഞ്ഞ് വീട് വാങ്ങാനെത്തുന്ന ഒരാള്‍ക്ക് ഒഴിഞ്ഞുമാറാമെങ്കിലും വാസ്തുപ്രകാരം നിര്‍മ്മിച്ച വീടായത്കൊണ്ട് ഒരെത്തിസ്റ്റും വാങ്ങാതെ പോയതായി കേട്ടിട്ടില്ല. അപ്പോള്‍ പറഞ്ഞതിന്റെ സാരം, ക്ലൈന്ടിന്റെ സംതൃപ്തിയോടൊപ്പം"ഒരു വിവരവുമില്ലാത്ത ഒരുത്തനാണ് പ്ലാന്‍ വരച്ചത്" എന്ന് ഒരുകാലത്ത് പഴികേള്‍ക്കാതിരിക്കാന്‍ ഇത്തരം ചില കാര്യങ്ങളില്‍ കൂടി എഞ്ചിയര്‍മാര്‍ ശ്രദ്ധിച്ചാല്‍ കൊള്ളാം.

ഓരോ നാടിന്റെയും പരിസ്ഥിതിക്കിണങ്ങും വിധമാണ് പണ്ടുമുതലേ വീടിന്റെ ദര്‍ശനവും മുറികളുടെ സ്ഥാനവും ക്രമീകരിച്ചു പോരുന്നത്. കേരളത്തിന്റെ പ്രകൃതിയില്‍ കിഴക്കുദിക്കിനു ദര്‍ശനമായ വീടാണ് ഏറ്റം ഉത്തമം. അതുകൊണ്ട് എല്ലാ വീടും കിഴക്കിന് അഭിമുഖമായി പണിയാനൊക്കുമോ? ഇല്ല. പഴഞ്ചന്‍ ശാസ്ത്രത്തില്‍ പറയുന്ന പലതും പ്രാക്ടിക്കലല്ല എന്ന്പറഞ്ഞു പാടെ അവഗണിക്കേണ്ടതില്ല. ലഭിക്കുന്ന അറിവുകളുടെ ഗുണപരമായ വശം മാത്രം സ്വീകരിക്കുക.   കിഴക്ക് ദര്‍ശനമായി വീട് പണിയണം എന്ന് പറയുന്നതിന്റെ പൊരുള്‍ എന്താണ്? സൂര്യന്‍ കിഴക്കുദിക്കുന്നു, അടുക്കള മുന്‍വശത്തായാതുകൊണ്ട് പാചകം ചെയ്യുന്ന ഭക്ഷണ സാധനങ്ങളില്‍ സൌരോര്‍ജ്ജം വീഴുന്നത് നല്ലതാണ്. അടുക്കളയില്‍ ജോലി ചെയ്യുന്നവര്‍ക്കും അല്പം പോസിറ്റീവ് എനര്‍ജി. അപ്പോള്‍ മറ്റു ദിക്കിലേക്ക് തിരിഞ്ഞിരിക്കുന്ന വീടുകള്‍ക്ക് ഇതൊന്നും ലഭിക്കില്ലേ? തീര്‍ച്ചയായും. കിഴക്കിന് അഭിമുഖമായി പണിത ഒരു വീടിനെ എന്തുകൊണ്ട് അതേ ചിട്ടയിലും അളവിലും വടക്കോ തെക്കോ പടിഞ്ഞാറോ തിരിഞ്ഞിരിക്കുന്ന വീട്ടിലേക്ക് പുന:ക്രമീകരിച്ചു കൂടാ? പുറം മോടിയേക്കാള്‍ കാറ്റിന്റെ ദിശക്കും സൂര്യപ്രകാശത്തിനും അനുസൃണമായി കൃത്യമായ വായൂ സഞ്ചാരം എല്ലാ മുറികളിലും എത്തിക്കുക എന്നതാവണം അടിസ്ഥാന തത്വം. കേരളത്തില്‍ അടുക്കള വടക്ക്-കിഴക്ക് മൂലയിലും തെക്ക്-കിഴക്ക് മൂലയിലുമായി പണിയുന്നു. രണ്ടും ഉചിതമാണ്.
(വാസ്തുശാസ്ത്രത്തിന്റെ ഗുണവും ദോഷവും പ്രതിപാദിക്കുകയല്ല ലേഖനത്തിന്റെ ഉദ്ദേശം. കൂടുതല്‍ അറിയേണ്ടവര്‍ അതാത് ഗ്രന്ഥങ്ങളുടെ സഹായം തേടുക.)

ഭവന നിര്‍മ്മാണത്തിന്റെ സാങ്കേതികങ്ങളെ സ്ട്രക്ച്ചറല്‍ എന്നും ആര്‍ക്കിടക്ച്ചറല്‍ എന്നും രണ്ടായി തരം തിരിക്കുന്നു. സ്ട്രക്ച്ചറില്‍ ഫൌണ്ടേഷനും, ബെസ്മെന്റും, തൂണുകളും, ഭിത്തികെട്ടും, റൂഫ് വാര്‍ക്കയും ഉള്പടെന്നു. ആര്‍ക്കിടക്ച്ചറില്‍ കെട്ടിടത്തിന്റെ രൂപഭംഗി, ഇലക്ട്രിക്‌, പ്ലംബിംഗ്, ഫ്ലോറിംഗ്, പെയിന്‍റിംഗ്, ലാന്‍ഡ്‌സ്കേപ്പിംഗ് ജോലികള്‍ ഉള്പടെന്നു. ആര്‍ക്കിടെക്ച്ചറിനെക്കുറിച്ച് കൂടുതല്‍ ആഴത്തില്‍ ചിന്തിക്കുമ്പോഴാണ് ഇന്റീരിയര്‍ ഡിസൈന്‍ ആന്‍ഡ്‌ ഡെക്കറെഷന്‍ എന്ന മേഖലയിലേക്ക് കണ്ണെത്തുന്നത്. ടിവി യില്‍ കാണുന്ന മോടിപിടിപ്പിച്ച സൌധങ്ങള്‍ കണ്ട് സാധാരണക്കാര്‍ പലരും ധരിച്ചുവെച്ചിരിക്കുന്നത് ഇത് തങ്ങള്‍ക്ക് അപ്രാപ്യമായ മേഖലയാണ് എന്നാണ്. ആ തെറ്റിദ്ധാരണ നീക്കുക എന്നതാണ് ഈ ലേഖനത്തിന്റെ പ്രഥമോദ്ദേശം.

എന്താണ് ഇന്റീരിയര്‍ ഡിസൈനിംഗ് കൊണ്ട് ഉദ്ദേശിക്കുന്നത്?  അതില്‍ ഏറ്റവും ആദ്യത്തേതാണ് സ്പേസ് പ്ലാനിംഗ്. അതായത് ഓരോ മുറിക്കുള്ളിലെയും സ്ഥലത്തിന്‍റെ കൃത്യമായ വിനിയോഗം. മുറി വലുതോ ചെറുതോ ആയിക്കൊള്ളട്ടെ നമുക്കാവശ്യമായതൊക്കെ അവിടെ വസിക്കുന്നവരുടെ സ്വൈര്യവിഹാരത്തിനു വിഖാതമാകാത്ത വിധത്തില്‍ സൂക്ഷ്മമായി ക്രമീകരിക്കുക. ചിലത് ആ വീട്ടിലെ വ്യക്തികളുടെ ശരീര പ്രകൃതിയുമായി ബന്ധപ്പെട്ടിരിക്കും. ഉദാഹരണത്തിന് വീല്‍ചെയര്‍ ഉപയോഗിക്കുന്ന ഒരാള്‍ വീട്ടിലുണ്ടെങ്കില്‍ വാതിലുകളുടെ വീതിയും ഇരുന്നുകൊണ്ട് എത്തിപ്പിടിക്കാവുന്ന വിധത്തില്‍ മേശയുടെയും ഷെല്‍ഫിന്റെയും പൊക്കവും ക്രമീകരിക്കും. വീട്ടമ്മയുടെ ഉയരത്തിന് അനുയോജ്യമായി അടുക്കളയുടെ ക്യാബിനെറ്റുകളും വര്‍ക്ക് ടോപ്പുകളും പണിയും. പലതിനും മിനിമം/മാക്സിമം എന്ന വിധത്തില്‍ സ്റ്റാന്‍ഡേര്‍ഡ് അളവുകള്‍ ഉണ്ട്. കൊട്ടാര സദൃശ്യമായ സ്വീകരണമുറികളും മുറികളെക്കാള്‍ വിശാലമായ കുളിമുറികളും നിര്‍മ്മിച്ചവര്‍  തെന്നെയാണ് വിമാനത്തിന്‍റെ  ഇട്ടാവട്ട ടോയിലറ്റില്‍ കൌണ്ടര്‍ടോപ്‌ വാഷ്‌ബേസിനും ക്ലോസെറ്റും വേസ്റ്റ്ബാസ്കെറ്റും ടിഷ്യൂ ബോക്സും ക്രമപ്പെടുത്തിയത് എന്നോര്‍ക്കുക.

ഒരു സ്ഥലം ഇന്റീരിയര്‍ ഡിസൈനിങ്ങിനു തിരഞ്ഞെടുക്കുമ്പോള്‍ പ്രധാനമായും പരിഗണിക്കുന്ന കാര്യങ്ങള്‍ ഇവയാണ്.

  • പ്രസ്തുത സ്ഥലം നിര്‍വഹിക്കുന്ന ധര്‍മ്മം. (Purpose of building)
  • ലഭ്യമായ സ്ഥലം. (Available space)
  • സൗകര്യം (Comfortability)
  • ഉപയോഗിക്കുന്ന വസ്തുക്കളുടെ ഗുണമേന്മ (Quality of material)
  • ചിലവ് (Cost)
  • മനോഹാരിത (Aesthetic)
സാധാരണ പ്ലാനും നല്ലൊരു ഡിസൈനര്‍ തയ്യാറാക്കിയ പ്ലാനും തമ്മില്‍ വളരെ അന്തരമുണ്ട്. അത്  പലര്‍ക്കും പെട്ടന്ന് തിരിച്ചറിയാനാവില്ല. ബേസിക് പ്ലാനില്‍ പോലും ഫര്‍ണിച്ചറുകളുടെ സ്ഥാനം രേഖപ്പെടുത്തിയിരിക്കും. വീടിന്റെ ഫ്രെണ്ട് വ്യൂ  മനോഹരമാകണം എന്ന ചിന്ത മാത്രമുള്ളവര്‍ ഇതൊന്നും ശ്രദ്ധിക്കാറില്ല. ഓരോ മുറിയുടെയും മൂലകളില്‍നിന്നു വാതിലും ജനലും ഒഴിവാക്കി അലമാരയും മറ്റും മാര്‍ഗതടസമില്ലാതെ ക്രമീകരിച്ച രീതിയാവും പ്രസ്തുത പ്ലാനില്‍ അവലംബിച്ചിട്ടുണ്ടാവുക. എല്ലാ മുറിയിലെയും പ്രത്യേകിച്ച് ബെഡ്റൂമിലെ കട്ടിലിന്റെ സ്ഥാനവും കിടന്നു കൊണ്ട് ഓപ്പെറേറ്റ് ചെയ്യാവുന്ന ഇലക്ട്രിക് സ്വിച്ചുകളുടെ സ്ഥാനവും പൊക്കവും ആദ്യമേ തന്നെ മനസ്സില്‍ കാണുന്നു. ജനലിന്റെ സ്ഥാനം കട്ടിലിന്റെ തല ഭാഗത്ത് നിന്നും മുന്‍കൂട്ടി ഒഴിവാക്കിയാല്‍ ഉഷ്ണകാലത്ത് കള്ളന്മാരെ പേടിക്കാതെ നിലാവ് നോക്കി അല്പം കാറ്റും കൊണ്ട് ഉറങ്ങാം. 

ഇനി സ്വന്തം കഴിവില്‍ നല്ല ആത്മവിശ്വാസമുണ്ടെങ്കില്‍ ബഡ്ജെറ്റിന് ഇണങ്ങും വിധം സൌകര്യവും സൌന്ദര്യവുള്ള ഒരു വീട് നിങ്ങള്‍ക്കും കെട്ടിപ്പെടുക്കാവുന്നതേയുള്ളൂ. ഉപയോഗിക്കുന്ന വസ്തുക്കളുടെ വിലയേയും മേന്മയെയും കുറിച്ച് നല്ല ബോധ്യമുണ്ടായിരിക്കണം. ശ്രദ്ധിക്കേണ്ട ചിലകാര്യങ്ങള്‍.
  • വളരെ ആലോചിച്ചും സമയമെടുത്തും പ്ലാന്‍ തയ്യാറാക്കുക. പണി തുടങ്ങിക്കഴിഞ്ഞാല്‍ പ്ലാനില്‍ മാറ്റങ്ങള്‍ അരുത്. നിര്‍മ്മാണത്തിനിടെ ബന്ധുക്കളുടെയും സുഹൃത്തുക്കളുടെയും പലവിധ അഭിപ്രായങ്ങള്‍  ഉയര്‍ന്നുവരിക സ്വാഭാവികമാണ്. അതിനു പിന്നാലെ പോയാല്‍ നിങ്ങളുടെ ഒരുപാട് നാളത്തെ ആലോചനയും നിരീക്ഷണങ്ങളും വെറുതെയാകും.  
  • പ്രാരംഭ ഘട്ടം മുതലേ ഒരു വിദഗ്ധനെ മേല്‍നോട്ടത്തിന്‌ ഉള്‍ക്കൊള്ളിക്കുക. ഈ മേഖലയില്‍ നമ്മേക്കാള്‍ പ്രവര്‍ത്തി പരിചയമുള്ളത്കൊണ്ട് മറ്റു വര്‍ക്ക് സൈറ്റുകളില്‍ സംഭവിച്ച സമാനമായ പാകപ്പിഴകള്‍ തരണംചെയ്യാന്‍ അയാള്‍ക്ക് സാധിക്കും.
  • കൂലി അല്പം കൂടിയാലും ലഭ്യമായ ഏറ്റവും പരിചയസമ്പന്നരായ പണിക്കാരേ മാത്രം ജോലി ഏല്‍പ്പിക്കുക. അല്ലാത്ത പക്ഷം ഏറ്റം വിലകൂടിയ ടയില്സോ ഗ്രനൈറ്റോ ബാത്ത്റൂം ഫിറ്റിങ്ങ്സോ അത്ഘടിപ്പിച്ചതിലെ അപാകതകൊണ്ട്‌ അഭംഗിയാകാം
നിര്‍മ്മാണത്തിന്റെ ഓരോ ഘട്ടങ്ങളെയും ചേര്‍ത്ത് വിശദമായി പ്രതിപാദിക്കേണ്ട ഒരുപാട് കാര്യങ്ങളുണ്ട്. അത് പിന്നീടൊരു അവസരത്തിലാകാം. എന്‍റെ അഭിപ്രായത്തില്‍ അറിവില്ലായ്മയും പരിചയക്കുറവും മൂലം നമ്മള്‍ നഷ്ടപ്പടുത്തിക്കളയുന്ന പണത്തിന്റെയും സമയത്തിന്റെയും കണക്ക് നോക്കിയാല്‍ അത് ആര്‍ക്കിടെക്ടിന്‍റെ സേവനത്തിനായി വിനിയോഗിക്കുന്നതിലും വളരെയധികമായിരിക്കും. നമ്മുടെ അഭിരുചികളും ബഡ്ജെറ്റും കൃത്യമായി ബോധ്യപ്പെടുത്തി അയാളുടെ പരിചയസമ്പന്നതയും പ്രാഗത്ഭ്യവും ചൂഷണം ചെയ്യാനാണ് ശ്രമിക്കേണ്ടത്. എങ്കില്‍ തീച്ചയായും നിങ്ങളുടെ വീട് സ്വപ്നത്തിലേതു തന്നെയാവും.
***
(മഴവില്ല് മാഗസിനിന്‍റെ വാര്‍ഷികപ്പതിപ്പില്‍ പ്രസിദ്ധീകരിച്ചത്.
- ക്ലിക്കിയാല്‍ ഡൌന്‍ലോഡ് ചെയ്യാം )

25 comments:

  1. ഇപ്രാവശ്യം സീരിയസ് ആയ ഒരു പോസ്റ്റ്. ഒരു വീട് പണിയുന്ന സാധാരണക്കാരന്‍ പണി കഴിയുന്നതോടെ വീട് പണി എന്താണെന്ന് മനസ്സിലാക്കുന്നു. അപ്പോഴേക്കും എല്ലാവരും കൂടി അയാളെ ഒരു പരുവമാക്കിയിട്ടുണ്ടാവും.

    ReplyDelete
  2. മാണ്ട.. ഇപ്പൊ ഈ പോസ്റ്റ്‌ എനിക്ക് മാണ്ട.. വീടെടുക്കുമ്പോ മയി.. ഉപകാരപ്രദമായ പോസ്റ്റ്‌ ആവും.. (ആർക്കേലും..) ... :D

    ReplyDelete
  3. വീടുകള്‍ പണിതു പണിതു... അതിനു വരക്കുന്നവര്‍ക്കും പണിയുന്നവര്‍ക്കും കണക്കെഴുതി എഴുതി.. ഇതില്‍ പറഞ്ഞതെല്ലാം കേട്ട് കേട്ട്...

    കൊള്ളാം. ലേഖനം നന്നായിട്ടുണ്ട് കേട്ടോ.. അഭിനന്ദനങ്ങള്‍.

    ReplyDelete
  4. ജോസെട്ടോ.ഡിസൈനിംഗ് നെ പറ്റി കൂടുതല്‍ അറിവു പകരുന്നുണ്ട് ലേഖനം .എന്തുംകൊണ്ടും നന്നായി.

    ReplyDelete
  5. വായിച്ചിട്ട് പിന്നെ വരാം

    ReplyDelete
  6. തലമുറകള്‍ക്കോ അല്ലെങ്കില്‍ മറ്റൊരാള്‍ക്കോ കൈമാറ്റം ചെയ്യപ്പെട്ടുകൊണ്ടേയിരിക്കുന്ന മൂല്യമുള്ള ഒരു വസ്തുവാണ് വീട്.
    കൊള്ളാം ...
    സ്നേഹപൂർവ്വം....

    ReplyDelete
  7. ഞാനൊരു വീട് പണിയുമ്പോള്‍ നിന്നെ പിടിച്ചോളാം :-)

    ReplyDelete
  8. വീട് കുറവാണിപ്പോള്‍
    കെട്ടിടങ്ങളാണ് പണിയപ്പെടുന്നതെല്ലാം

    ലേഖനം പലര്‍ക്കും ഉപകാരപ്പെടും.
    എന്റെ വീട് ഹാബിറ്റാറ്റ് ഗ്രൂപ്പ് ആണ് പണിയുന്നത്. ഫിനിഷിംഗ് സ്റ്റേജില്‍ എത്തി മന്ദം മന്ദം നീങ്ങുകയാണ്

    ReplyDelete
    Replies
    1. കളിമണ്ണ്‍ കൊണ്ടാണോ അജിത്തെട്ടാ വീട്?
      ആര്‍ക്കിടെക്റ്റ് ശങ്കര്‍ സാറിനെ കൊണ്ട് വീട് പണിയിക്കണം എന്ന് എന്റെയും വലിയ ആഗ്രഹമായിരുന്നു. പക്ഷേ അന്ന് അതിനുള്ള സമയമോ ഗതാഗത സൌകര്യമോ ഉണ്ടായിരുന്നില്ല.

      Delete
  9. വളരെ ഉപകാരപ്രദമായ ലേഖനം....ആശംസകള്‍... :)

    ReplyDelete
  10. ഇത്തവണ ജോസ് പതിവുരീതിയിൽ നിന്ന് അൽപ്പം മാറി സാങ്കേതികകാര്യങ്ങളാണല്ലോ ചർച്ച ചെയ്യുന്നത്..... പലർക്കും ഉപകാരപ്രദമാവുന്ന ഒരു ലേഖനം.... ഇത്തരം പ്രായോഗികചിന്തകൾ പങ്കുവെക്കുന്നവർ ബ്ലോഗെഴുത്തിൽ കഉറവാണ്.....

    ReplyDelete
  11. നന്ദി...അത്യാവശ്യ റഫറൻസിനു ഇങ്ങോട്ട്‌ ഓടി വരാല്ലോ...
    തീർത്തും ഉപകാരപ്രദം..
    ആശംസകൾ...!

    ReplyDelete
  12. സ്വന്തം വീട് പണിതുയർത്താനുള്ള
    പ്രയത്നത്തിനിനിടയിൽ ജീവിതത്തിൽ
    എല്ലാ പണിയും കിട്ടുന്ന മലയാളികൾ തീർച്ചയായും
    വായിച്ചിരിക്കേണ്ട വിജ്ഞാനപ്രദമായ ഒരു ലേഖനം...
    അഭിനന്ദനങ്ങൾ...കേട്ടോ ജോസ് ഭായ്

    ഞാനിതായിത് ഷെയർ ചെയ്യുന്നു ...!

    ReplyDelete
  13. കൊള്ളാട്ടോ... വീട് പണിത് പണി വാങ്ങിയവർ എന്തുമാത്രം..

    ReplyDelete
  14. ഏക്കര്‍ കണക്കിന് സ്ഥലത്ത് പരന്നു കിടക്കണം. ചുരുങ്ങിയത് ഇരു നിലയെങ്കിലും വേണം. അജിത്‌ പറഞ്ഞ പോലെ കെട്ടിടങ്ങള്‍ ആണ് ഇന്നധികവും.

    തികച്ചും വ്യത്യസ്തത പുലര്‍ത്തുന്ന നല്ല ഒരു പോസ്റ്റ്‌ വായിച്ചു. ഇതിനു തുടര്‍ച്ചകള്‍ ഉണ്ടാവട്ടെ. അത് ഉപകാരപ്രദമായിരിക്കും. ആശംസകള്‍ ജോസ്

    ReplyDelete
  15. നന്നായിരിക്കുന്നു ലേഖനം
    ആശംസകള്‍

    ReplyDelete
  16. ലേഖനം നന്നായി എന്‍ജിനീയരെ

    ReplyDelete
  17. പലര്‍ക്കും അമളി പറ്റുന്ന ഒരു മേഖലയാണിത്‌. എത്ര തന്നെ പ്ലാന്‍ ചെയ്തു വീടെടുതാലും അവസാനം എന്തെങ്കിലുമൊക്കെ കുറവുകള്‍ ഉണ്ടാകും. പിന്നെ എല്ലാം ഒരു അഡ്ജസ്റ്റ്മെന്റാണ്. പണം കുറെ ചിലവാക്കിയതല്ലേ, എന്ത് ചെയ്യാന്‍... എനിക്കും കുറെ അബദ്ധങ്ങള്‍ പിണഞ്ഞു... ചിലതൊക്കെ ഇപ്പോഴും അതെപടി നില്‍ക്കുന്നു...
    ഈ ലേഖനം ഉപകാരപ്രദമാകട്ടെ !! ആശംസകള്‍

    ReplyDelete
  18. ജോസ്
    നല്ല ലേഖനം. വീടു വെക്കുന്നത് കൊണ്ട് നല്ല താത്പര്യത്തോടെ വായിച്ചു.

    ReplyDelete
  19. കാര്യങ്ങളെ നല്ലതു പോലെ അവലോകനം ചെയ്തിരിക്കുന്നു. ഒരല്‍പം കൂടി വിശദീകരണങ്ങള്‍ ആകാമായിരുന്നില്ലേ എന്നു തോന്നി. അഭിനന്ദനങ്ങള്‍.

    ReplyDelete
  20. ഇപ്പൊ വേണ്ട... വേണ്ട സമയം നീ ജീവനോടെ ഉണ്ടെങ്കില്‍... അപ്പൊ നോക്കാം... ;)

    ReplyDelete
  21. വാര്‍ഷികപ്പതിപ്പില്‍ വായിച്ചിരുന്നു -ഇഷ്ടമായ ഒരു ലേഖനം . അവതരിപ്പിച്ച രീതിയും. , ലേഖനത്തിന്‍റ ഉള്ളടക്കവും പ്രത്യേക അഭിനന്ദനം അര്‍ഹിക്കുന്നു. ഒരുപാടു പേര്‍ക്ക് പ്രയോജനപ്രദം ആയേക്കാവുന്ന ഒരു ലേഖനം ആണിത് :). വീട് വെയ്ക്കുക എന്നത് എല്ലാ മനുഷ്യന്റെയും ഒരാഗ്രഹം ആണെന്ന് തോന്നുന്നു... നമ്മുടെ നാട്ടില്‍ വര്‍ഷങ്ങള്‍ എടുത്ത് ഒരു വീട് പണി പൂര്‍ത്തിയാകുമ്പോള്‍ ഇവിടെ മാസങ്ങള്‍ കൊണ്ട് ആ പണി കഴിയും , കാലാവസ്ഥയുടെ മാറ്റം കൊണ്ടുള്ള വീടുകളുടെ ഘടനയുടെ മാറ്റം തന്നെ കാരണം :). കുറച്ചു വര്ഷം കൂടുമ്പോള്‍ ഈ മനുഷ്യന്മാര്‍ ഇതിനെയൊക്കെ പൊളിച്ചടുക്കി വേറെ രീതിയില്‍ ആക്കുകയും ചെയ്യും - അതൊരു പുതുമയാണ് (നമ്മുടെ നാട്ടില്‍ പറ്റാത്ത കാര്യമാ ! ) . കൂടുതല്‍ എഴുതി കമന്റ് പോസ്ടിനെക്കാള്‍ വലുതാക്കുന്നില്ല. അപ്പൊ ലേഖനത്തിന് നന്ദി, ആശംസകള്‍

    ReplyDelete
  22. വാര്‍ഷികപ്പതിപ്പില്‍ വായിച്ചിരുന്നു
    ഇത് വായിച്ചു കഴിഞ്ഞപ്പോള്‍ ഒരു നഷ്ടബോധം. എന്റെ വീട് ഇത് വായിച്ച ശേഷം വച്ചാല്‍ മതിയായിരുന്നു.
    ഇനി ഒരെണ്ണം വയ്ക്കാന്‍കഴിയുമെങ്കില്‍ അന്ന് ഞാന്‍ താങ്കളെ തീര്‍ച്ചയായും വിളിച്ചു ശല്യപ്പെടുത്തുമെന്നു ഇപ്പോഴേ സമ്മതം വാങ്ങുന്നു.

    ReplyDelete
  23. ഇങ്ങനെ ഒരെണ്ണം ഇവിടെ പ്രതീക്ഷിച്ചതല്ല. മഴവില്ലിൽ കണ്ടപ്പോൾ തന്നെ അന്തം വിട്ടു പോയി. അഭിനന്ദനങ്ങൾ ജോസ്

    ReplyDelete
  24. വൗ!!!!!
    നല്ല പ്രയോജനപ്രദമായ കാര്യങ്ങളെല്ലാം ഉൾക്കൊള്ളിച്ചിരിക്കുന്നല്ലോ!!!!
    ഭാവുകങ്ങൾ!!

    ReplyDelete

Related Posts Plugin for WordPress, Blogger...